Првата информативна сесија и практична работилница за осмиот циклус на Вавилон беше одржана во Europe House на 8. октомври 2020 година, а обезбеден беше и пренос во живо на Јутјуб. На настанот беа објаснети сите детали за натпреварот и заинтересираните имаа можност да постават прашања. Во својата презентација, претседателот на ОО Вавилон говореше за критериумите за учество, оценувањето и придобивките од конкурсот. Во вториот сегмент Љубица Арсовска, член на ОО Вавилон, даде осврт на најчестите грешки при преведувањето и совети како тие да се надминат. Една од добитничките на пофалница на седмиот циклус од „Вавилон“, Благица Димитровска, го сподели своето искуство при изборот на делото и процесот на преведување. Средбата заврши со преведување текст со помош на членовите на ОО.
